今年10月26號係天王郭富城60歲生日嘅大日子，太太方媛(Moka)就算啱啱為城城產下小公主三寶都現身生日派對，同兩個囡囡Chantelle同Charlotte為城城慶祝生日，城城同太太Moka喺社交平台分享生日會嘅靚相，相中見到城城同太太及兩個囡囡一齊擺心心手勢。
三寶因啱啱出世唔方便現身人多嘅場合，但係Moka有準備一個一家五口嘅蛋糕代表一家人同框，蛋糕上城城化身超人抱住三寶，另外Moka同兩個囡囡亦以女超人裝打扮相當可愛。
城城喺幾日前公布三寶出世，呢次係Moka喺產後首度現身，相中見到Moka腹部平坦，雙腿纖瘦，大家都相當驚訝Moka產後恢復得咁快，仲喺留言區引發激烈嘅討論，到底Moka係剖腹分娩定係順產，恰巧城城著上前年慶祝生日時曾著過嘅Tee恤﹐正當大家懷疑係咪舊相。
Moka深明網民嘅疑惑，就喺自己嘅社交平台度貼文：「老公生日大快樂，這麼重要的日子我怎麼會缺席呢，跑出來切完蛋糕就要回去好好坐月子啦！」城城亦喺留言區回應太太多謝老婆同大家嘅祝福。而城城同太太嘅自拍合照亦暗中放閃，兩人戴上情侶手鈪。
