前Cookies成員傅穎早年進軍內地發展，相隔九年喺香港舉辦粉絲聚會，陪伴住成長嘅有粉絲帶埋小朋友嚟支持，令Theresa好感動，Theresa嚟緊計劃推出廣東歌回饋粉絲，佢透露自己有份填詞，令一首同佢唔係好關嘅歌變得有關聯。
Theresa近年定居杭州，加上喺內地做直播有聲有色，佢更直認因為工作繁忙，早前缺席曾傳不和嘅鄧麗欣演唱會，未有同其他Cookies成員合體舞台，令Theresa一度成為焦點，Theresa再次解釋本身得到通知呢件事，最終因檔期問題未能成事，佢仲話對Cookies全員合體亦有可能，非凡冇絕對。
Theresa大方回應KOL貼兩人合照故意貼錯名嘅風波，Theresa表示唔認識呢位KOL，但明白唔少人為咗流量的確會無所不用其極。
Theresa早前改名為傅寶誼，透露細細個時因成日畀人叫泳褲，已萌生改名念頭，直至40歲改名表達對自己嘅期望，「寶」字代表希望自己好似一份禮物喺別人嘅生命中出現，另外「誼」提醒自己心靈同行為上對自己有更多規範。