李施嬅近期同前未婚夫車崇健參加拍攝內地真人騷《再見愛人》第五季，展開為期18日、嘗試修補感情嘅旅行。施嬅喺節目分享同車崇健8年感情中，對方做出唔少令佢失望嘅行為，加上男方喺節目表現得一意孤行被網民鬧爆。
施嬅日前喺社交平台拍片「安睡實戰教學」片，分享好眠秘藏方法！施嬅喺短片做眼球運動嘅示範，仲講埋呢個運動係有科學跟據，因為會令副交感神經重置，成個人會放鬆。如果做完一次仲未瞓得著，可以做2次、3次。
呢條片亦吸引唔少網民留言，不過唔係讚方法有用或者分享其他助眠方式，而係認為施嬅受情傷影響而冇覺好瞓，所以都紛紛留言為佢打氣，仲話「姐姐，你值得更好的」、「你直覺是對的，千萬不要跟他結婚」。
