一到萬聖節，唔少人都會用盡心思化身「嘩鬼」或者潮流角色應節狂歡，前港姐冠軍 黃嘉雯 一樣唔例外！
Carmaney喺社交平台分享化身成為人氣動畫《鬼滅之刃》大熱角色「禰豆子」嘅靚相，而愛犬就扮成「炭治郎」！Carmaney完全唔係「Cosplay衣架」，而係喺著扮、道貝、神態上都完全神還原角色，非常得意！
除咗可愛一面，擁有一副好身材嘅Carmaney喺前排旅行嘅時候，影落唔少性感水著相，其中一輯就喺酒店泳池歎水中早餐。身穿比堅尼嘅Carmaney身材Fit爆，超長美腿極為吸睛，不愧係身材管理大師。
不過隨住入秋，Carmaney都宣布水著Look要收爐：「入秋要把夏天的回憶留下，See you soon, my Favourite summer .」大家想再睇到女神嘅性感泳衣相，睇嚟要等到出年夏天喇！
