熊黛林（Lynn）2016年同郭可盈胞弟 郭可頌 結婚後，誕下一對雙胞胎女兒Kaylor同Lyvia，一家四口生活幸福美滿。10月27號就係二人嘅結婚9周年紀念日，Lynn同老公分別喺社交平台出Post慶祝呢個特別日子。
Lynn以簡單一句：「Happy to our 9th Anniversary」做配文，並貼上一家四口合照，相中可見，Lynn同老公各自拉起囡囡雙手，兩位小朋友開心跳起，非常溫馨！至於郭可頌就曬出兩張舊照，一張係佢同Lynn瞓喺床上，中間有一個以玫瑰花辮堆成嘅心心，第二張就係二人嘅背景相，自然得嚟好隨性。郭可頌喺文中寫；「得來不易，Happy 9th!!! Love you forever第二幅照片是我一直很喜歡的，就像我和你一樣，很隨心、很自然」而Lynn就以一個錫錫emoji回應。
