曾有「港版玉置浩二」稱號嘅蔡楓華，1985年喺因「剎那光輝未必代表永恆」評論張國榮，從此事業走向低潮，佢曾坦言當年《勁歌》報道唔止負面，更係屬於「毀滅性報道」。64歲蔡楓華近日接受文雋網上頻道訪問重提往事，指當時其實仲有一句話未講，只係被急於打圓場嘅盧敏儀阻攔而未能說出。
蔡楓華於1979年參加《第三屆業餘歌唱大賽》奪冠而入行，因兼任電台DJ、演員及節目主持而成為全方位藝人一度爆紅，憑《絕對空虛》唱到街知巷聞，蔡楓華早前接受文雋訪問，重提「剎那光輝未必代表永恆」，原來當晚因俞琤未能擔任勁歌金曲季選主持，由盧敏儀頂上。
蔡楓華坦言一早知嗰10首得獎歌，根本唔存在妒忌別人呢個講法，續指當時《勁歌》有規定只能唱得獎歌，張國榮唱完得獎歌《少女心事》後，即場唱出《愛不是遊戲》，結果蔡楓華有感而發，認為佢、張國榮同陳百強都係好朋友，人生嘅嘢有乜所謂，「今日你做主角、聽日我做主角」。
蔡楓華喺受訪時表示「其實一位歌手得獎與否，冇乜所謂，我自己嗰首《愛不是遊戲》冇獎唔緊要，我好希望做歌手，無謂係人哋嘅歌，抑或自己嘅歌一樣咁欣賞，我好誠心恭喜張國榮得到3首入選歌，但係一時嘅光輝未必係永恆」，其實當時仲有一句話未講，只係盧敏儀急於打圓場，阻攔其繼續講落去，就係「我本來想話希望張國榮永遠保有呢個永恆嘅光輝」。
蔡楓華曾多次被指行為怪異，有傳佢喺1999年「不請自來」TVB籌款活動，蔡楓華喺訪問時解釋當日由內地返港，到達電視城後發現同場唔少熟悉歌手以錯愕表情望向住佢，當時只有梅艷芳、汪明荃及Dicky張衞健有打招呼，Dicky仲攬住蔡楓華及影張相，又叫佢去飲咖啡，蔡楓華讚Dicky為人好，
蔡楓華跟住被監製召見解釋事件因由後，獲通知唱《倩影》一曲，準備入廠嗰陣遇到某歌星，對方問佢係咪唱《倩影》，蔡楓華回答後竟被對方向腹部打咗一拳，稱「被打原因」有可能係當晚冇歌手能有機會獻唱一首完整歌曲。