應屆港姐季軍「得意妹」袁文靜（Jane）自當選後工作密不停手，喺同林盛斌、施宇琪一齊主持嘅問答節目《攻你上大學》再度表演Rap，被阿Bob封為「地球上最勁Rapper」之外，佢亦喺社交平台預告即將擔任一個線上Speed dating嘅主持人，真係多才多藝，全領域發展！
近日Jane就去咗東京度假，仲喺旅程影咗輯和服寫真，剪咗短髮嘅Jane可愛得嚟亦好優雅，十足十日系美女。不過可能太開心，未過十月，佢已經先迎接11月，喺配文寫上「November of Tokyo」。除咗和服Look，Jane亦有分享佢嘅休閒造型，戴上眼鏡嘅佢、戴住圍巾打扮簡單，好有文青氣質。網民都讚阿Jane「秀麗甜美」、「Pretty」、「好可愛」。
