蕭正楠與黃翠如於2018年結婚，今年3月誕下兒子「蕭哈哈」，兩公婆沉醉喺湊仔樂，不時喺社交平台曬溫情合照，10月23號係翠如44歲生日，佢同阿蕭帶埋阿仔「哈哈」一齊去主題公園慶祝，影片中見「哈哈」肥嘟嘟嘅可愛樣，真係好得意！
翠如自從生咗B仔後，好享受分享一家三口溫馨日常，今日喺社交平台貼出影片並留言：「今年的生日禮物一家人擁有了很美好的回憶🌈。」片中見佢哋兩公婆開心帶阿仔坐纜車，阿仔「哈哈」好有好奇心一直望出窗外。
跟住阿蕭把阿仔「哈哈」放埋機動遊戲量身高嘅尺，扮幫阿仔度高，一時又舉高阿仔睇魚、一時又捉住阿仔「哈哈」隻腳仔扮踢向鏡頭，呢位爸爸都幾百厭，翠如全程一臉慈母樣抱住阿仔，睇水族館嘅魔鬼魚、探望熊貓、企鵝等，當見到大熊貓龍鳳胎寶寶「加加」（家姐）及「得得」（細佬）輕力互咬喺度玩，翠如亦扮咬阿仔，非常搞笑！
