歌唱比賽節目《中年好聲音3》嘅畢業生趙浚承，日前推出全新粵語單曲《從你我成為我們》，提到為新歌錄音嘅過程，浚承開心表示：「我非常開心能夠同咁專業嘅團隊合作，呢次經歷讓我喺音樂道路上成長咗好多。」
浚承指新歌歌詞寫得相當到肉，完全係坦率咁表達佢所相信嘅愛情本質就係咁：「愛...係當你無嫌棄唔識浪漫而且木訥嘅人，都努力學習成為一個更加懂得去愛嘅人，喺互相磨合和包容嘅過程裡面發現永恆！」
新歌MV日前已經上架，MV除咗邀請到中3同學曹越擔任女主角外，為咗更深刻詮釋歌中「同諧到老從不簡單」，浚承專登花咗四個鐘去化上老妝，希望通過視覺效果，令大家可以體會到時間流逝，與及同伴侶之間嘅深厚情感，從而令大家反思與珍惜與伴侶嘅關係。
