薛家燕同龔嘉欣一齊去到食品製作中心出席善心活動，聯同一眾主禮人見證膳食支援計劃展開重要嘅里程碑，佢哋又同老友記一齊品嚐餐點，家燕姐唔只讚不絕口，仲話為獨居及有需要長者送上溫暖飯盒，其背後含意係令佢哋明白，仍然有人關懷佢哋。
對於許紹雄日前離世，曾與對方合作過嘅家燕姐，就表示感到好突然同傷感，唯一令佢感到釋懷嘅，就係知道Benz離開時唔係太辛苦。家燕姐又讚Benz為人好好，對方喺圈中嘅人緣相當好。
嘉欣經常參與慈善活動，尤其鍾意同老友記傾偈，因為覺得特別有親切感。嚟緊佢會再同肥媽及鼎爺開拍飲食節目，嘉欣話非常期待，因為成個過程都會好有口福。
