《中年好聲音3》唱將王鄭浚仁(Rax)推出佢首隻個人單曲《我就是舞台》，為咗配合輕快嘅曲風，公司專程請排舞師為佢度身設計舞步。
雖然Rax對自己嘅舞技幾信心，面對有態度有氣場嘅舞步，佢話有啲難度，仲打擊到佢嘅自信心，經過多輪練習之後，佢話呢次係比佢跳出自己舒適圈嘅時候。被問會否請歌迷學定一啲招牌動作等出騷時可以一齊跳，Rax仔細研究後笑言可行性不大，更有可能引發海豚粉集體受傷嘅風險。
呢首歌作為Rax第一首個人歌曲，當然完全呈現佢嘅外向舞台風格啦！音樂監製張家誠提議以Show man(熱愛表演的人)嘅感覺呈現喺歌曲度，Rax大表認同，最後仲希望歌名直接以《我就是舞台》來名命。
