劉雯井柏然北京活動公開排排坐 辛芷蕾努力成影后鼓勵勇往直前

劉雯 同 井柏然 嘅戀情傳足多年都仍未正式承認，而繼早前 陳偉霆 同 何穗 宣佈成為父母後，劉雯就變相成為中國四大超模之中尚未生子嘅一人喇。呢日佢同「緋聞男友」井柏然齊齊以情侶網現身北京一個活動，睇騷時仲排排坐，唔知6月時傳出已秘婚嘅佢哋，係咪好快都會報喜呢？

呢日現場仲有唔少影星藝人到場，好似 辛芷蕾 陳都靈 楊祐寧夫婦 劉亞瑟 等，繼鞏俐同葉德嫻後成為第三位華人威尼斯影展影后嘅辛芷蕾，當年曾以成為國際級女演員為夢想，呢日佢就繼續鼓勵女性勇敢追夢，呼籲繼續堅持自己勇往直前咁話。