羅子溢爆子女苦情戲青出於藍 茜堯愛犬先後離世心情低落

身為兩孩之父嘅 羅子溢 呢日以大使身份出席一個關注專注力失調同過度活躍症嘅活動，佢希望透過呢次活動對呢兩個症狀更了解，仲話帶有呢啲問題嘅小朋友，大部份都有特別嘅過人專長，有待親友發掘。

子溢仲搞笑話，屋企嘅子女可能遺傳到父母嘅演戲細胞，苦情喊戲功力十足，演技仲同媽咪有得揮，其中細佬更可以話係內心戲非常豐富咁話呀。佢又提到自己年幼時爸爸唔會表達自己嘅愛意，不過到自己為人父，就一定唔會吝嗇而好好表達，但係就擔心唔知親密仲可以維持幾耐喇。

而提到陪伴太太 楊茜堯 多年嘅兩隻愛犬近月先後離世，子溢就指一家人都相當傷心不捨，老婆心情更特別低落，仲話暫時都唔敢再養新寵物以免觸景傷情喇。