陳柏宇率領黃妍、林奕匡、PER SE、力臻、Michael C、KING 吳崇銘、 Idol Girls「偶像女生一期生」以及上月正式成團嘅 IdG Bubbles展開大學校園巡唱，尾站就去到香港中文大學演出，為五場巡演劃上圓滿句號。
染上一頭金髮嘅Jason喺上台除咗帶嚟新歌《不愛無壞》，愛吹水嘅佢當然同台下嘅學生玩吓爛gag，當佢預告嚟梗有新歌同大家見面時就話「首歌兩個字，第一個字係『一』；第二個字係有個『二』喺入面。」另外，輪到Cath上台獻唱時，佢果然無負網民稱佢為「雨神」之名，因為佢每次宣傳都會落雨，佢話「好驚呀，點解我出嚟又落雨，我係無辜㗎！」不過完全冇損台下學生嘅熱血沸騰。
壓軸環節將氣氛推上全晚頂峰。配合「Y2K」主題，KING 吳崇銘以 DJ KING 身份將一連串經典廣東歌重新編成電子版曲風，甫起歌便令現場變成「Canton Disco Party」，現場氣氛熾熱，歌手們均走到台下與學生互動、自拍，促成全港最大型校園電子廣東歌派對。