黃紫恩 Jojo平時打扮性感毫不吝嗇曬美腿同身材，最迎一張新相就騷佢一雙修長美腿，過往亦不時大方分享靚相。雖然平時睇落鬼馬精靈，不過大學主修設計嘅佢，其實原來畫功高強，日前仲話因為秋天大閘蟹時節，親筆繪製一幅作品《畫蟹止餓》，非常神似。
近年加入《直播靈接觸》同 梁思浩 仲有 黃耀英 合作，為大家打開神秘空間嘅唔同故事，連續3季分享本地靈異傳聞之外，亦曾飛到台灣一探當地嘅詭異故事。
而Jojo唔止節目中對神佛鬼怪有研究，節目外佢亦係一名道士，其實佢係受到 GM 曾展望 影響而加入行列，更曾指有意到內地考取正式資格，更直言性感打扮同食肉甚至性交都唔會影響，非常坦率。
《直播靈接觸》星期一晚 21:30 、星期二晚 21:35 TVB Plus