TVB節目巡禮於10月28日舉行，活動公布2026年重點劇集及綜藝節目製作，前後共播放8部劇集，噚日有不少網民見到吳卓羲、高海寧（高Ling）、陳瀅、倪嘉雯及樂隊Soler大孖Julio恰巧喺澳門開工疑入組拍新劇，處處有星蹤，吸引大批市民圍觀，面對車水馬龍嘅嘈雜環境，一眾演員仍非常投入演出。
吳卓羲同Soler大孖Julio噚日被網民野生捕獲現身澳門新馬路附近夜市街，一向為人健談又nice爆嘅吳卓羲，等埋位時已不時同拍檔Julio傾偈，相中見吳卓羲以一身型格西裝打扮喺街頭拍攝，該網民讚喺街上老遠就被吸引吳卓羲，仲話佢好靚仔添！
唔少網民第一眼就認錯咗大孖Julio係陳啟泰，查實多年嚟陳啟泰與孿生兄弟組合Soler一直被笑指係三兄弟，三人均散發帥爆滄桑味，指陳啟泰係Julio同Dino大哥，估唔到Julio近日開工再次被內地網民認錯人！
而當晚另一網民見高Ling及倪嘉雯同樣喺澳門夜市拍嘢，網民盛讚高Ling好靚好有親和力，講二人一齊買雞蛋仔，未roll機前，高Ling亦聚精會神準備投入角色。同日又有網民偶遇見高Ling同陳瀅喺大三巴出沒，網民稱讚高Ling本人好有氣質、皮膚超好，又指陳瀅嘅髮色好考驗顏值，笑言自己爬10分鐘山路氣來氣喘都「不白來啊」。近日張曦雯喺IG上載一張自拍照，見佢整理好造型，並留言「here we go again 璀璨之城」，似乎眾人都開始為新劇作準備。
