近日社交平台掀起一番雪景圖熱，大家打開不同嘅社交平台，都會見到相近嘅雪照照。事緣係一款圖像處理app，最近推出咗「AI雪景照」嘅功能，可以生成用家身處雪地嘅照片，而且韓劇味十足，吸引到歐瑞偉、莊思明與楊明、吳業坤太太濱口愛子、陳定幫等藝人親自試玩。
除咗眾藝人玩得相當開心外，一眾網民亦玩得相當出色，除咗有人將宣萱、五月天、李司棋等藝人照生成AI雪景照外，更洐生咗唔少變奏版，例如動物版、網紅紅姐版、食物版等。
而有網民發現，「AI雪景照」同陳柏宇15年前《你瞞我瞞》嘅MV場景相似，笑言陳柏宇行得太前，連A.I.喺 15年後都要跟返佢呀。
