歌唱選秀節目《聲秀》嘅8強學員，星期晚踏入決賽喺終極聲戰決一高下，最後 Ryan馮熙燮 於最後一回合獲評審6燈，力克得3燈嘅 Ophelia柯雨霏 成為見軍，而季軍同觀眾熱選聲秀大獎就由 胡子貝 獨攬。
獲得10萬獎金嘅Ryan分別以《小心地滑》同《七百年後》出戰，比賽期間雖然略有沙石，不過Ryan就表現得非常自在，完賽後佢就終於鬆一口氣，更指近日唔止鼻敏感發作，上顎更紅腫，綵排時更接近失聲。
而子貝連獲兩獎就非常感謝大家嘅厚愛，仲指自己會繼續努力呀。而亞軍Ophelia則以導師 泳兒 兩首歌曲迎戰，賽後仲獲Ryan承諾由獎金送出兩張機票，賽後佢仲話要暴食同狂瞓充電呀。
蕭凱恩以《李香蘭》出戰，導師 譚耀文 聽完仲感動到起身鼓掌同落淚，事後一組人仲齊齊受訪，Michelle仲指台上時代入另一角色，所以未感到壓力喇。
而 林潔心 出賽後只獲83分，不過佢就未太有失望，導師 劉浩龍 就指Bibi已非常努力，仲話視對方為囡囡咁話呀。穎喬同Emily周智敏都以舞曲出戰，演出一樣充滿自信，導師Hubert就指已超額完成，大讚台上演出非常傑出。
曾志偉 呢日亦指節目將學員最真實一面帶出，由素人成長為準歌手，整個過程大家都非常努力，希望觀眾都感受到佢哋嘅成長。賽後唔少Fans都齊集電視城外，為幾位得獎歌手打氣，聲勢好似頒獎禮一樣，非常犀利。
