娛樂圈接連損失三位演員 曾志偉概嘆人生無常

娛樂圈上月底先後失去 許紹雄 甄志強 同 馮淬帆 三位資深演員，壞消息令外界難以消化，同三位同樣有深厚交情嘅 曾志偉 呢日現身《聲秀》決賽時，就對圈中一星期內接連三段死訊非常唏噓。

志偉指「緊哥」《五福星》年代相處猶如大哥一樣，仲希望飛往台灣致祭；而「歡喜哥」Benz雄雖然未曾合作，不過因對方人緣極佳，所以極受行內朋友尊敬。至於甄志強更係艾年早逝，又係高爾夫波友，突然離世更顯人生無常。

佢指早前曾獲悉Benz雄帶病，而好友間則未知緊哥身體抱恙，甄志強更可以話無預兆。不時嘆息嘅佢更係無言以對。