鄭秀文張敬軒首攜手開騷 跳火辣熱舞辣㷫全場

鄭秀文（Sammi）及張敬軒首次攜手開騷，施展渾身解數演繹連串hit歌，令一眾歌迷大飽耳福，Sammi一向能歌善舞，早前受腰傷影響，一度嚴重到要坐輪椅，痊癒後再努力綵排，呢日見Sammi喺台上狀態大勇，呈現超完美演出。

Sammi與軒仔演繹一段百老匯式歌舞，以超親密貼身辣舞為觀眾帶嚟驚喜，睇到台下歌迷嘩嘩聲，Sammi笑指上咗舞台，連腰傷咩都唔記得啦！軒仔就話今次跳咗3場演唱會嘅舞，佢好開心同Sammi一齊跳，讚Sammi嘅體能好勁，Sammi都話個心跳咗百幾、二百下非常緊張。