現年63歲嘅影帝 吳鎮宇 ，下會就會步入64歲，亦早就合符資格可以享用「樂悠咭」優惠，不過貴為影帝嘅鎮宇，日前就因為用樂悠咭搭車而幾乎被車長趕落車噃！
鎮宇喺社交平台分享呢次經歷，又附上三張自拍，表示自己「太年輕」而被質疑「冒用証件」，佢寫道：「我拍卡之後，車長就開始不爽，差點趕我下車！我解釋我不是故意的，天生如此，請看我身份証。」
外表高大睇落亦完全唔似已花甲之齡嘅鎮宇，呢段經歷非常好笑，更因「吳鎮宇刷老年卡被質疑」呢個話題登上內地社交平台熱搜。有網民話佢：「花期太長」睇落唔似60歲，亦有人問：「為什麼沒有人給你讓座？」，鎮宇就幽默回應：「還傷人不夠嗎？」
