何超儀 主演嘅全新動作電影《拾荒法師2》早前隆重開鏡，超儀為新片同男主角Iman接受武術特訓足足9個月，電影集合港產片全盛時期黃金組合，監製 陳子聰 亦充滿信心指新片會為觀眾帶來全新視覺動作體驗。
監製陳子聰康復後精神奕奕首次公開現身，而彭氏兄弟更加相隔12年再次合導，編劇則由有劇本醫生之稱嘅 葉廣儉 出任， 動作方面則由陳少華同黃劍偉擔任武術指導，兩大影帝 謝君豪 同 鄭則仕 參與演出。
陳子聰指新片係武術輕喜劇，佢同超儀一直將武打輕喜劇以全新面貌呈現，而超儀今次就係繼《千機變》後相隔多年再演女俠，仲指今次演出「係我演藝事業嘅再出發」，男主角Iman亦表示非常興奮有份參與其中。
主演嘅超儀同Iman，特別開拍前9個月開始接受武術訓練，超儀話：「我們不係《警察故事》嘅大型動作戲，而係偏向體操式嘅中國武術，所以武術導演特別請咗一隊武術隊為我哋特訓，要練各門派嘅招式同各種兵器運用，由拳腳對打到舞刀弄槍，每一個細節都要練，我哋電影公司未有拍過呢種動作電影，所以事前準備功夫一定要做到足，拍嘅時候可以更快捷更安全。」 
Iman指新戲對體能有好嚴格要求：「這是另一種層次的表演，當然我們不能在幾個月的訓練內便成為真正的武術演員，但我們都盡力去做到最好，這也包括在演技方面，我們為此片上了一 些演技課程，這是一個全方位的訓練。」
曾任八爺袁和平同袁祥仁班底嘅陳少華(財哥)同黃劍偉(偉哥)， 大讚Iman認真苦練，仲日日做Gym。原來Iman在片中以全廣東話講對白，仲花足大半年苦練同背熟劇本對白。
至於導演「彭氏兄弟」合體，彭順同彭發自12年前《逃出生天》後再次合作，彭發話：「每次接受訪問，記者最後問題都係問幾時候再合導，我哋都認真諗係咪時候一齊拍多部戲呢？今次《拾荒法師2》就係最好時機。故事有齊我哋鍾意嘅元素，相信會有新嘅火花。」
片中另一重要角色係影帝謝君豪，片中飾演Josie師傅，亦有唔少動作戲。」佢仲指角色好有驚喜，將會有反轉嘅橋段。 而另一影帝鄭則仕片中飾演老謀深算嘅富商，仲會用計謀玩弄眾人於股掌。