張智霖（Chilam）繼經典劇集《衝上雲霄》後，再次同好拍檔吳卓羲合體，今次喺新劇《璀璨之城》鬥戲演兄弟，二人展開一場充滿心計及血淚嘅角力，噚日有網民見到張智霖疑似喺澳門大三巴附近為新劇復工。
片中見男神Chilam對著鏡頭回眸一笑，兼且親切揮手打招呼，露出靚仔樣時，一眾圍觀嘅途人立即開心尖叫，被男神Chilam魅力冧到暈，太太袁詠儀亦前往當地，全程陪開工，而同場嘅蔣祖曼未埋位前，好認真同Chilam對戲，相信兩位好戲之人拍埋，演出一定好有心火。
唔少網民見Chilam官仔骨骨嘅眼鏡look，紛紛留言稱被Chilam迷倒，「渾然天成的豪門公子氣質」、「翩翩貴公子的模樣」、「走路帶風好帥」等。
Chilam喺新劇當中跟高海寧飾演嘅洪海允結婚，「海允」高海寧與「雪瑩」張曦雯本來係一對好閨密，後嚟張曦雯為嫁入豪門，從高海寧手上搶走「孝君」吳卓羲，「孝賢」Chilam就係睇中高海寧嘅仇恨心，欲加以利用，讓高海寧成為重要嘅棋子，因此，Chilam與高海寧有唔少對手戲，噚日有網民更偶遇佢哋與江美儀齊齊開工，見滿頭白髮嘅江美儀坐喺長櫈，同Chilam一齊講對白，Chilam更演得七情上面，令一眾網民非常期待呢套新劇！
