蔡卓妍喺2023年同百億麻雀館太子爺 石恆聰 分手後，其感情生活一直成謎，有指二人於今年初已復合，亦有指阿Sa男友其實另有其人。近日就傳出阿Sa秘密撻著fitness centre創辦人兼健身教練 林俊賢Elvis，兩人低調相戀數月，早前更被拍到一齊去睇林家謙嘅演唱會，而今次令二人戀情曝光嘅原因，就係佢哋共同養嘅貓貓Boo所致。
阿Sa上月24嘅為愛貓 嚦咕 搞生日會，同時亦宣布屋企多咗兩位新成員：「今年多咗兩個新成員，🐶芝麻妹妹同🐱阿Boo妹妹。」當時 容祖兒 嘅留言：「踏入年底你屋企真係喜事多籮籮❤️❤️❤️ happy birthday嚦咕❤️❤️❤️要唔要祖兒姐姐唱嘅生日歌先！」似係意有所指，爆好姊妹有喜事。
與圈中人稔熟嘅Elvis，除咗係fitness centre嘅創辦人外，佢仲係Kenny關智斌嘅健身教練，而佢間fitness centre，阿Sa亦係客戶之一。翻睇返Elvis嘅社交帳號，佢早喺7月時就已經喺限時動態晒過自己同Boo嘅合照，當時佢抱住Boo自拍，並寫道：「And Yes, I got a cat. Her name is Boo」故上月阿Sa宣布屋企多咗兩位新成員時，似係變相低調公開戀情。
