恭喜晒！袁咕碌正式榮升做哥哥喇！袁偉豪Ben 同 張寶兒Bowie 嘅二寶 袁氹氹 喺6號出世喇！Bowie喺社交平台公佈喜訊，佢喺帖文中寫道：「袁氹氹，期待你好久了❕第一眼望你覺得你和哥哥好似樣，但仔細看你頭髮多多嘴仔細細下巴尖尖，原來是爸爸媽媽第二個variation🤭」
Bowie話收到好多家人朋友們嘅祝福同加持，佢又指唔少uncles aunties為袁氹氹嘅到來激動咗好耐，反而佢同老公袁偉豪就唔太緊張，佢指成個懷孕嘅期間都係洋溢住莫名嘅喜悅，而呢日更加係：「這一整天更加是很激動 好開心‼️❤️❤️」
今年6月1號Bowie抱住袁咕碌喺社交平台宣佈三年抱兩嘅好消息，相中袁咕碌拎住媽媽嘅B超單笑得相當開心，而Bowie則喺帖文中表示：「袁咕碌有小肚腩，媽咪都有大肚腩了！」並喺hashtag中打上 #我又懷孕了 ，當時袁偉豪亦留言表示：「爸爸會繼續努力😘😘😘」
第二次做爸爸嘅袁偉豪，6號凌晨就喺限時動態Po出身穿無菌手術衣嘅照片，並打上一句「On Call 36？」，為陪Bowie入產房迎接袁氹氹而做準備。而為咗好好迎接袁氹氹，Ben更犧牲咗自己間工作室，將佢改裝成育嬰室。
