歌手周深出道10年，去年開展人生第一個體育場巡回演唱會，唱遍內地13個城市；2025年更把足跡擴展至英國、美國、加拿大、澳洲及馬來西亞，並喺北美刷新內地歌手票房與規模紀錄，展現其喺全球的高人氣，周深早前宣布進軍「巨星聖地」啟德體育園，舉行一連兩場跨年演唱會，場次更為「0點跨年場」，成為啟德舉行跨年倒數演唱會嘅「第一人」。
周深去年10月來港為《第四屆粵港澳大灣區文化藝術節》擔任表演嘉賓時，吸引羅淑佩局長專誠捧場，事後大讚周深歌聲與別不同。羅淑佩受訪時公開邀請周深來港開騷，其後周深受訪時感到有啲受寵若驚，默認正努力準備中，令不少香港「生米」（周深歌迷之暱稱）引頸以盼，而家終於成真，周深特別感謝Fans大力支持，讓佢一圓香港夢。
周深呢次體育場巡回演唱會，由上海出發，去咗13個城市，而家喺第11站成都站，佢好開心跨年喺香港開唱，感覺一切好似發夢咁，「香港是我從小都非常好奇以及想要去的地方，沒想到是你們創造的奇跡用演唱會的方式帶我去的」，周深亦好期待跟各位「生米」一齊倒數。
