由 郭偉亮Eric Kwok、森美同Plan V主持嘅全新音樂遊戲節目《唱錢》舉行拜神儀式，節目考驗參賽者音準，音樂系統由TVB研發，Eric Kwok做音樂總監，而Plan V仲會化身直播小編同網上觀眾互動。
呢日張與辰Vic、黃洛妍Janees、XiX嘅Caitlin同Crystal亦化身挑戰者，佢哋玩完後都話難度十足，與辰指平時由評判打分會多份人情味，但面對機械模式又只得一次機會，就會特別緊張。Janees呢次挑戰要拎走自己平日一切，跟足機械，同平日唱歌人性化好大分別，搶拍、拉音長啲短啲都唔得，所以令佢好緊張。
由聲夢2學員組成嘅Plan V，平日經常拍Acappella合唱片擺上網，收穫唔錯人氣。呢日佢哋就同森美即場Jam出一段《新不了情》，喺毫無其他電子效果配搭之下，一樣閱耳動聽。
Eric Kwok嘅愛將Caitlin同Crystal都有份挑戰，話咁快Caitlin月底就會踏入18歲，Eric Kwok已經計劃好教佢踩單車慶祝，如果組合全隊都學識踩單車，Eric Kwok就承諾會送架真車俾佢哋。
