胡定欣上月初宣布與醫生男友陳健華（Akin）結婚，喺皇后鎮舉行浪漫婚禮，不少圈中好友事前並不知情，呢對新婚夫婦返港後陸續相約好友飯聚，接受眾人嘅祝賀，定欣日前與TVB高層樂易玲及好友胡曦文等聚會。
胡定欣喺社交平台分享合照，仲話無意中揀咗食寧波菜，原來樂小姐係寧波人，定欣寫道：「太好啦😃大家都食得好開心！多謝大家祝福。」相中見老公仔Akin雙手搭住定欣，二人新婚燕爾表現恩愛，樂易玲亦大讚定欣同Akin十分合襯。
樂易玲指呢場四小時嘅飯局充滿歡笑，「看著你們眼裡的星星，聽著你們生活中的小默契，真的能深深感受到那份滿出來的幸福與甜蜜。你們就是天造地設的一對，所謂的緣分，就是在對的時間，遇見那樣對的人吧」，樂易玲喺社交平台再次送上祝賀，仲叫佢哋要永遠都咁幸福呀💖！
