宋智孝內衣品牌開網店親做生招牌騷好身材

韓國《Running Man》中因為真性情而大受歡迎嘅宋智孝，日前參與前輩申東燁嘅網上節目，唔止被指直率到有如男人一樣，宋智孝更直接公開自己擇偶標準，鍾意有肚腩，有如「小熊維尼」一樣嘅男士，認為攬實非常有安全感，令其他嘉賓笑到捧腹。

除咗綜藝節目演出外，近日先為朴敏英新劇友情客串，宋智孝亦相隔5年再次參與電影演出，於新戲《相逢之家》扮演資深女獄警，於片中同收柙者母女有一段令人暖心嘅故事。

近年佢亦成為CEO發展演藝意外嘅事業，身材出眾嘅佢開發以自己命名嘅內衣系列，更不時親身上陣做生招牌，近日就於社交平台Post新相，仲正式開設網店吸納世界各地Fans，相中嘅佢著上自家全白色內衣產品，展示招牌開朗笑容保養得宜，完全唔似已經44歲。