余文樂於2017年與「皮帶大王」千金王棠云結婚，二人婚後育有一對仔女，余文樂喺2023年刪除IG上大部分照片，引發網民瘋傳婚變，余文樂間中貼出家庭照，用行動粉碎婚變傳聞，噚日喺社交平台上載多張家庭相，原來佢同老婆及仔女去咗日本旅行，佢更罕曬仔女近照，，余文樂一向好保護仔女，未知係唔係錯手post咗小朋友正面相，今早已馬上刪除該張合照。
余文樂喺2017年婚前發現患上驚恐症，減少幕前工作，主理潮牌生意及投入幕後工作，43歲余文樂前拍攝TVB綜藝節目及現身公開活動，又拍戲拍劇，全面復出幕前，重啟開工mode，努力工作完，佢都抽時間陪伴家人，不少網民喺日本偶遇余文樂一家四口喺日本環球影城玩。
唔少網民好問係唔係老婆王棠云隨行，該網民就話「老婆當時也在場」，惹嚟其他網民紛紛留言，「好多人說他們離婚了」、「看來是謠言」、「離婚了也可以一起帶小孩去玩」等，未知係唔係力證恩愛，噚日余文樂罕有喺社交平台曬一輯家人日本外遊照，行程包括餵鹿、參觀寺廟、去室內燈光騷展覽打卡，佢哋兩公婆仲陪仔女去打機等。
