陳慧琳做林峯上海站嘉賓化身吃播自爆蝦碌事靠「購物療法」慰藉心靈

陳慧琳（Kelly）與林峯曾喺《2007北京新春大聯歡》大跳探戈舞，相隔差唔多18年先再度合作，近排互相做彼此演唱會嘅嘉賓， Kelly早前喺林峯巡演上海站擔任嘉賓，而阿峯愛女都有嚟捧場，阿峯指Kelly一口答應幫忙，呢次一定要請Kelly食大閘蟹。

Kelly噚日喺社交平台上載一條「都是儂的錯VLOG」影片，紀錄佢今次喺上海嘅行程，先見Kelly於開騷前認真綵排同拍花絮片，此行Kelly有去嘆上海菜，未知係唔係阿峯兌現承諾，片中見Kelly化身吃播大啖大啖食大閘蟹炒年糕、上海著名甜點「心太軟」及煎八寶飯等，連佢經理人鍾珍都忍唔住讚啲菜式好食要包返去。