胡杏兒新中式打扮型格十足 王丹妮敢於挑戰多元戲路

惠英紅 胡杏兒 及 王丹妮 等呢日上海一個時尚活動，紅姐前兩次為該品牌行騷，今次變番觀眾坐喺現場睇表演，佢坦言輕鬆得多，皆因行騷嗰陣好緊張，紅姐嚟緊工作非常忙，佢希望趁仲年輕，個人仲有衝勁，能夠多拍一啲好嘅作品。

杏兒以一身新中式打扮型格登場，佢透露私下好鍾意新中式穿搭，覺得好有儀式感，又有民族自豪感。王丹妮由模特兒跨界做演員，呢幾年戲路多元化，王丹妮認為女性有好多唔同嘅面貌，佢都敢於挑戰不同嘅角色。