關詠荷兌現廿年承諾與Fans見面 笑容依舊再定十年之約

當年部部劇集都深入民心嘅 關詠荷 自2013年嘅《情逆三世緣》後逐漸淡出幕前，專心照顧囡囡，唔少荷姐嘅Fans大嘆可惜之餘，亦非常尊重佢嘅決定。而早於2005年，原來佢就曾同一直支持追隨自己嘅大家許下承諾，約定二十年後再見。

日前荷姐就兌現呢個二十年嘅承諾，同大班影迷見面喇。荷姐白色優雅打扮搭配一件小披肩現身，據現場流出圖片可見，佢滿面笑容同大家分享近況。荷姐更即場再次約定，10年後再一次同大家見面

月前荷姐先同老公 張家輝 及多位好友現身 夏韶聲 演唱會，雖然過往佢曾提過自己仍有戲癮，暗示如有喜歡角色隨時會再現身幕前，可惜荷姐暫時仍未遇到滿意劇本。