喺台慶劇《金式森林》裏面飾演高深嘅 羅子溢 經常遊走喺中環一個大排檔，呢日佢就同劇中有賓主關係嘅 郭晉安 重遊舊地，一齊分享大排檔情懷。安哥最鍾意喺食風味乾炒牛河，重點係要有鑊氣，食落口仲熱辣辣嘅感覺。而子溢就話以前住大埔村屋時，一行出門就係大排檔，最鍾意買排骨飯，仲係用紙包住，好有風味。
最搞笑係子溢入行時都聽過好多謠傳，係飲食上都令佢有所顧忌，聽講話食豬紅會破運，食蘿蔔就會破氣，搞到子溢唔敢食，身邊嘅安哥就立刻夾起件蘿蔔入口，以證呢個傳言並非出自佢口。
喺劇中安哥同子溢兩人雖然沉默寡言，但憑住佢哋精湛演技充份表現出佢哋嘅情份，私底下原來安仔仲係子溢嘅啟蒙老師，當年子溢加入TVB就遇上同安哥合作拍攝《古靈精探B》，子溢向安哥請教咗好多做演員嘅模式，做新人應該要點樣，安哥叮囑子溢要保持自己競爭力，令子溢銘記至今。安哥則分享一件鮮為人知嘅事，當年獲得張國榮貼心鼓勵，終生受用。
台慶劇《金式森林》星期一至五晚 21:30 翡翠台