蔡依林時隔6年再辦簽唱會 親解除夕騷唔倒數原因

台灣天后 蔡依林 相隔足足6年，近日再次舉行簽唱會，吸引大批歌迷早早到場排隊。當日撞正G-Dragon開騷，Jolin就指自己會快手完成，等準備睇騷嘅歌迷唔使遲到，非常貼心呀。佢更現場為大家表演兩首歌曲。

直言下午於簽名會演出唔太習慣嘅Jolin，笑言感覺非常赤裸，仲對凌晨已經有Fans到場非常感動呀。而宣佈將舉行跨年演唱會嘅佢，當時又提到會於倒數前完騷，令外界覺得不解，呢日佢就解釋指，因為元旦日有演出，所以認為早少少完場自己比較游刃有餘咁話喎。