韓國性感女歌手 泫雅 9號於澳門出席「WATERBOMB」演出，當佢走到T台，與兩名Dancers喺距離fans最近嘅位置熱舞時，泫雅突然暈倒，兩位女Dancer即時上前，隨即有一名男黑衣工作人員將泫雅抱落台。由於唔少觀眾都拍到當時情況，影片於社交平台瘋傳，令泫雅嘅fans相當擔心。
泫雅結婚後出現幸福肥，故此多次被網友批評身材，早前泫雅就公開表示自己要減磅，而減肥flag立下一個月後，泫雅就喺社交平台晒出最新嘅體重，由於佢以極短時間將體重減至4字頭，加上相中見到其腳背有明顯嘅傷痕，令fans相當擔心佢以極速減磅，會對身體做成負荷。
據指原定Tyson Yoshi下午亦會參與演出，但大會指藝人團隊單方面拒絕登台，故演出取消。Tysony方面就發聲明指，大會方面未有充足綵排下，已開放觀眾入場，基於專業操守名安全考慮而決定唔參與演出。
