劉艷 王敏奕 同好拍檔Cam Man馬家明 吳業坤 喺《新聞女王2》創辦新媒體「Open Platform」，希望可以避免採訪編輯受干預同高度自主。話得係公開平台，就當然乜新聞都要做，呢日 劉艷 就試吓體驗娛樂記者日常，向有多年經驗嘅ENews代表 潘盈慧 交流交流，平時跑向嚴肅硬新聞嘅佢哋，呢日又有冇怯場呢？
雖然主題都係圍繞《新聞女王2》，不過要顧鏡頭、藝人面口同企位，仲有問題嘅起承轉合，其實都唔係一件簡單事，不過精靈聰明嘅Venus同坤哥，呢次表現都非常唔錯，而多位受訪者好似 Eric Kwok 周錫漢 都非常期望新一輯當中，一腔熱血嘅劉艷同PM點樣以有限資源力抗主流巨大媒體。
演戲多年嘅Venus，事後指自己其實係I人底，既怕生保又稍為內向，反而坤哥就曾主持《音樂工房》而有過採訪經驗，仲回憶當年訪問藝人嘅緊要心情呀。
《新聞女王2》今晚就首播，呢對好拍檔繼續拍住上揭發不公義，而拍攝時一場大爆炸戲份就令Venus非常深刻，像真度十足。而坤哥就認為一場酒樓脅持場面，仲提醒大家一定要留意。最後仲向拍檔公開表白，讚劉艷係眼中最靚嘅同事呀
《新聞女王2》11月10號起 星期一至五晚 20:30 翡翠台