現年32歲大隻仔 關曜儁 喺2023年時同老婆 楊韻璇 誕下長女關凱妃，去年年中再誕下兒子Torres湊成好字，點知兩個未夠數，Leo再宣佈未來一家四口將再添新成員，老婆第三度懷孕，一家人都好期待BB嘅來臨。
Leo興奮表示未結婚開始已經同老婆夾好要生3個小朋友，依家願望達成，更笑稱爸爸嘅心聲係咪要去結紮，連日同朋友分享好消息之後收到好多祝福，其次就係養3個小朋友非常貴，搞到佢都反問自己係咪應該要結紮？而老婆韻璇就表示會同老公一齊並肩學習，好感恩真係心想事成。
Leo喺幕前都有唔少演出機會，出道作品《愛‧回家之開心速遞》飾演「範柳元」令佢成功入屋，早年喺《下流上車族》演活「廢青」一角為人熟識，之前又喺《神耆小子》中出演搞笑角色黃財進。而除咗幕前演出，Leo亦係位健身教練，近年同朋友創業開健身中心有聲有色，生意愈做愈大。
