台灣搖滾天后 林曉培 同 鄧建明 月底將喺觀塘海濱活動空間聯手舉辦演唱會，過往已多次合作嘅佢哋，今次移師香港演出，原來兩人緣於多年前一次音樂節目錄影，其後多次同台演出，8月Shino更應邀擔任太極樂隊嘅40週年巡迴演唱會江門站嘉賓。
Shino提到呢次合作時話：「Joey是一位非常資深的前輩，但親切得像個大哥哥。音樂上我們不需要太多溝通，就能找到默契，這次合作讓我感到非常榮幸和興奮！」
Joey同樣對呢次合作非常期待：「月尾我同Shino會喺觀塘海濱為大家帶來一場『起勢搖滾』演出。我哋會演繹多首經典搖滾歌曲，包括80至90年代嘅懷舊搖滾作品，希望勾起樂迷嘅共鳴同美好回憶。」
雖然兩人對歌單大賣關子，不過演唱會海報上就出現多首耳熟能詳嘅歌曲名稱，好似Shino嘅經典作《娃娃愛天下》、《又不是非要你的愛》、《那又如何》，仲有太極樂隊嘅《留住我吧》、《紅色跑車》、《一加一減你》等。佢哋仲將重新詮釋多支經典樂隊金曲，同觀眾一齊重溫搖滾樂黃金年代。
