台慶劇《金式森林》進入結局周，劇情講到方仰天（郭晉安飾）因為腦癌離世，留下林澄（ 陳曉華 飾）獨自面對家族戰爭。而方仰天離世前曾經對林澄透露「仲有一件事想同佢講」，可惜未講得切就已經撒手人寰，留下懸念。
而Hera就喺IG發文，邀請大家齊齊做編劇，一齊動腦估下究竟方仰天想同林澄講乜嘢，並將從中揀出三個最有創意嘅答案，送俾大家「定情音樂會」加簽名相。
Hera喺IG寫道：「林澄想將佢最深愛嘅音樂盒送俾你哋。仰天雖然離開了，但音樂盒就代表他的情，來和我一起好好守護他的最後一份禮物。」不過劇中呢個二人嘅定情音樂盒會被摧毀，而成為寡婦嘅林澄傷心欲絕之下亦會展開全面大反擊。
定情音樂盒贈送活動將於12號中午12點截止，屆時獲選嘅觀眾將有專人透過IG聯絡。各位劇迷如果想珍藏呢個音樂盒，記得把握時間發揮創意啦！
