蔡少芬 相隔8年重返TVB拍攝重頭劇《風華背後》，呢次Ada同 朱茵 Liza姐 汪明荃 飾演三母女，更不時喺街上出外景時被路人野生捕獲。
近日有網民偶遇Ada開工，更興奮表示：「誰懂一出門就看到蔡少芬在拍攝的感覺」。片中可見，Ada同 蘇麗珊 上演一幕激烈爭執戲份，Ada更演得七情上面，成段戲都極具張力，旁邊有唔少圍觀嘅路人都睇到眼定定。網民都話Ada完全都交足戲，不愧係當年TVB當家花旦同視后。
除咗Ada嘅演出吸睛，佢嘅身形亦成為焦點！一身女強人幹練裝扮嘅Ada，雖然身材瘦削，但魅力依然。不過有網民就認為Ada過瘦，連手臂都同身邊人有強烈對比，發偶遇片段嘅網民仲話：「有點瘦脫相了」，意思即係瘦到唔似Ada本人。不過有粉絲為偶像平反，認為Ada身材只係對自己有嚴格同專業嘅身材管理，上鏡時屬正常水平，仍然好靚女。
