莫文蔚 早前宣佈喺香港啟德主場館開騷嘅好消息，呢日佢出席自己嘅黑膠碟分享會時，就指演唱會銷情相當理想喇！距離開騷剩返個幾月時間，Karen亦把握時間戒口同調整作息，務求有好狀態演出。而Karen嘅朋友一知道佢要返香港開騷，而且仲係喺啟德主場館，大家嘅反應都好熱烈，唔只話要去睇騷，仲有人自動請纓要幫手做嘉賓呀！
Karen十幾歲已經想夾Band，估唔到出道咁年先同音樂人陳明道等組成限定Rock Band 「The Masters」圓夢，而且新碟係以自己由細到大相當鐘意嘅黑膠碟方式推出，令佢開心加倍！
至於有冇計劃再衝擊獎項，Karen就話其實樂隊最近喺內地一個頒獎禮拎咗突破樂隊嘅新人獎，令Karen都覺得好正，自己出道多年仲可以用一個全新身份做一個挑戰，而得到大家認可。