11月11日係 陳敏兒 同 廖啟智 結婚38周年紀念日，雖然智叔喺4年前因胃癌離世，但係陳敏兒一直對亡夫情深不變，日前佢就係社交平台上載二人昔日嘅婚照，並寫下長文追憶亡夫並感嘆人生不似預期，字裡行間充滿思念同感觸。
早前公開辦過生前告別禮嘅敏兒寫道： 「11月11日，是我們的結婚紀念日。1111，取其寓意：一雙一對，一生一世，當然背後有一個期望，就是希望大家能夠白頭到老。我早已白頭，可惜他未能到老，上天不從人願，人生不似預期。世事本是無常，變幻原是永恒，祝願終成眷屬的有情人，每天珍惜眼前人。好好一起生活，彼此擁抱幸福﹗」
上個月啱啱過咗65歲生日嘅陳敏兒，早前透露自己嘅身體出現狀況，並喺今年7月入院接受手術，陳敏兒表示病後對人生有唔少感悟，佢學識放低執著，放過自己同放過別人，亦學會好好照顧自己身體。
