盧海鵬預告開騷終極試咪 唔講粗口曝右眼而糖尿失明

笑匠 盧海鵬 嘅搞笑已經深入基因，近日佢就宣佈再試咪，舉行「收咪」演唱會。年屆83歲嘅鵬哥，受訪時就提到近年已經收火唔再試咪，當年純粹因為習慣而粗口爛舌，如今準備收咪就唔再爛口咁話。

過往扮嘢多過食飯嘅佢，今次先旨聲明純粹賣唱，雖然大家可能會失望，不過鵬哥就指不斷轉妝換衫非常麻煩又辛苦，亦會大唱過往唔少流傳至今嘅改詞爆笑作品。

鵬哥早前被指身體欠佳，不過呢日睇嚟狀態唔錯，不過佢就指右眼因糖尿病影響而青光眼最終失明，亦因而唔敢亂郁動，間接導致身體慢慢變差，更曾有相士指佢79歲就係大限咁話。