萬千星輝賀台慶｜藝人齊集綵排熱舞單身女神喊苦 聲秀成員加入大家庭首次參與

下星期三就係TVB嘅58周年台慶，唔少藝員同事早已開始為當晚《萬千星輝賀台慶》準備唔同表演節目，呢日中聲家族、聲夢家族仲有新秀家族同多位港姐以及《女神》成員咁熱鬧，大家就係為節目Opening嘅環節綵排喇。

曾展望 仲會大騷佢嘅拉丁舞技，同女友 葉蒨文 奉旨公開曬恩愛。而受訪時未能配對成功嘅 關嘉敏 梁芷晴 仲有 梁敏巧 就攬實圍爐，非常眼紅GPS仲有 羅毓儀 林俊其 呢對，仲呼叫話好Dry同見到都眼冤喎。

而 周吉佩 就會協助抽出台慶大獎，中聲嘅大家都希望吉吉幫手，而大家仲話一定要沾吓 顏志恒 過往兩年嘅好運喇。至於《聲秀》嘅成員 馮熙燮 柯雨霏 胡子貝今年係首次參與台慶，佢哋都覺得非常新鮮，仲話見到咁多前輩非常開心又緊張呀。