袁偉豪同張寶兒於11月6日喺社交平台分享喜悅，公布誕下細仔「袁氹氹」，Ben更親自入產房見證BB出生，連日嚟Bowie喺醫院休養，而Ben就為工作兩邊走，哥哥「袁咕碌」一直期待見到細佬真身，呢個重要時刻於出現。
Ben同Bowie上載一家四口嘅全家福同短片，袁咕碌仲趣緻地拎起個公仔奶樽向袁氹氹餵奶，而短片中就見到袁咕碌跟住護士姐姐，一手搭住BB車，推住袁氹氹喺醫院走廊行路，畫面好溫馨。
兩夫妻見到呢幕好感動，對兩兄弟第一次相遇嘅畫面感到好難忘，仲話哥哥一嚟到開門就叫「弟弟」，雖然弟弟瞓覺中，但哥哥就推弟弟周圍去玩，平靜又溫馨，佢哋感謝醫護連日嚟悉心照顧，而Bowie呢段時間正在努力康復同開始哺乳。
另外，Bowie指自從袁咕碌出生後，上次喺醫院坐月子，之後去醫院做兒科保健，同樣嘅醫生、姑娘現在又照顧袁氹氹，大讚醫生護士好有愛。Bowie亦作好心情出院返家面對新開始，令佢出院前又忐忑又期待，最後佢希望孩子們都健康成長，多咗袁氹氹家裡會更多歡樂同愛。
