郭富城Aaron相隔30年再去高雄開騷，為咗回饋歌迷30年嘅等待，城城由舞台效果、視覺燈光、服裝造型到歌單均費盡心思，務求帶畀歌迷最震撼演出，當然唔少得跳唱為演唱會揭開序幕，面對全場歌迷嘅熱情，城城感動之餘亦越唱越High，情緒高漲起嚟仲即興兩度扯高上衣，大騷結實腹肌，令全場歌迷尖叫聲不斷。
城城好識搞氣氛同歌互動，問佢哋點解咁多年嚟一樣熱情，30年不變，場館隨即全場掌聲響起。城城除咗勁歌熱舞之外，亦有獻唱多首經典作品，包括《永遠愛不完》、《我是不是該安靜的走開》、《我想偷偷對你說我愛你》等。
記得城城當年喺台灣拍廣告一炮而紅，呢日演唱會重溫城城當年喺台灣出道嘅青春靚仔樣，勾起全場歌迷無數回憶，連城城都好感觸呀！
