影帝梁家輝同導演關錦鵬出席喺廈門舉行嘅《2025金雞電影節》香港專場推介會，連同多位香港新導演及演員，齊齊展望香港電影前景。
家輝同關導久別重逢，回憶起30幾年前拍攝《阮玲玉》一段小插曲，家輝忍唔住淚灑當場，因電影拍到一半見關導突然喊，令所有演員緊張追問咩事，關導解釋因公司畀嘅菲林已經用晒，無法完成電影，當時十幾位演員就想辦出資幫助關導，後來反而感動咗出品人，第二日菲林就送到片場，電影先得以完成，講番呢件事，兩個大男人依舊好感動。
從影超過40年嘅家輝，經歷過港產片嘅黃金時代，見證近年嘅冰河時期，不過佢對香港電影依然充滿熱誠，仲話香港電影黃金時代會喺未來，拍電影真係一啲都唔容易，不忘搞Gag緩和氣氛，指若果有日票房變成黃金，那時就係黃金時代。
