如果家人身體出問題，要同時兼顧返工同照料，真係會身心俱疲。近年大家對照顧者同被照顧者嘅新聞同關注都日益增加，社會亦希望大家勞心勞力分身照顧他人時，亦要同時留意自己狀態，要適時尋求協助。
好似平時都態度輕鬆滿面笑容嘅 林秀怡 ，就罕有於社交平台指自己最近因家庭問題再次成為照顧者，亦分享兼顧電視台工作嘅疲憊同低落心情，正如佢話齋，同親友分享債偈會舒緩到當中壓力，有需要時亦可向相關尋求協助。
好吧！最近再次成為一位照顧者。（不是媽媽，媽媽很健康🫶🏻）媽媽都成為照顧者，希望你不要太辛苦，交給我吧💪🏻
呢兩個月因為突如其來既變化，經歷左好多唔同既情緒，自責，疲憊，孤單，擔心，緊張，憤怒，厭世，甚至想逃既時刻。
每日逗留醫院陪伴，有時陪完直接番工，有時就可以番屋企沖個涼先出番黎，book到酒店就仲可以訓兩個鐘💃🏼因為酒店海鮮價唔係成日book🤣🤣跨區照顧者呢單野🤣真係連車程都係煎熬☺️不過唔緊要，總會過去💪🏻💪🏻
唔知係因為每日訓得三個鐘定擔心到想嘔既唔舒服，當我發現我開始情緒超唔穩定既時候，好彩身邊有你地🫶🏻🫶🏻🫶🏻係你地啊❤️可以比我充電幾個鐘再番黎努力💪🏻都多謝工作上比我請假既你地🙏🏻🙏🏻🙏🏻🥲🫡放低左唔少工作，都放低埋個社交平台，不過突然發現，有時係到同大家傾下計，都會舒緩啲💃🏼💃🏼😂😂😂
而我都愈黎愈依賴身邊果位，中間既工作時間都需要佢陪伴，又要佢車出車入，多謝你毫無怨言既幫忙❤️
努力對抗病魔希望呢段日子可以快啲過🙂可以好快笑住回望❤️屋企人身體健康
希望靠大家集氣早日康復🥹🥹❤️🫶🏻
社會服利署照顧者支援專線：182183
基督教靈實協會照顧者支援服務：26633001
香港婦女中心協會照顧者情緒支援熱線：26546266
明愛賽馬會照顧者資源及支援中心：38920101