1996年港姐冠軍李珊珊於2011年因患驚恐症，神隱8年對抗疾病，近年克服患病陰影，坦率面對疾病，再次復出幕前，主持網上訪談節目廣邀圈中前輩或好友chitchat，當中有曾合作拍《鑑證實錄》嘅摯友林保怡，李珊珊喺節目中更自揭今年1月曾徘徊鬼門關，幸得視帝林保怡伸出援手，友情深厚。
李珊珊同林保怡喺1997年拍《鑑證實錄》時認識，由於李珊珊當年仍係新人，成日NG被鬧，林保怡卻挺身而出，不時給予李珊珊鼓勵，結下不解緣而成為老Best，林保怡更喺李珊珊患病時多次陪伴及照顧，李珊珊好感謝林保怡不時探望，又陪伴佢去醫院覆診，見到有人偷拍即兇惡喝止，對Best非常保護又有義氣，同時喺各方面提供援助，自己當年因病唔敢外出，林保怡亦主動約佢去赤柱散心。
李珊珊透露今年1月曾徘徊鬼門關險死，未有透露當時患咩病，只係講到情況危急幾乎喪命，要緊急送院搶救，林保怡回應：「你嗰日就死，點知你會唔會真係會死，所以咪即刻衝過來！」
林保怡分享人生低潮時，母親過身時，為咗防止親友喺喪禮上被影到，林保怡堅持喺靈堂加設布簾，呢筆費用對佢嚟講係負擔，曾經希望有朋友幫忙，最終林保怡都咬緊牙關獨力解決，佢坦言每個人都有低潮，只要自己夠硬朗，就一定可以捱過去，林保怡透過自身經歷，藉此鼓勵網民努力克服難關。
